wajib diajar Al Qur'an

• hey dulur anu ariman
  umat nabi ahir jaman
  sing apal kana pedoman
  aturan ti maharohman
   
• Alloh maparin aturan
  sadayana dina qur'an
  prak tiayeuna pikiran
  naon eusina al Qur'an
   
• pek diajar ti ayeuna
  sing leres dina macana
  diajar elmu tajwidna
  sing apal waqof wasolna
   
• sing bener maca al Qur'an
  sabab pidauh pangeran
  pek pake adab-adaban
  mun hayng meunang ganjaran
   
• lamun teu daek di ajar
  ilmu Qur'an teu di gowar
  pasti macanage sasar
  ku Alloh moal di ganjar
   
• komo lamun di salah keun
  Qur'an di lalaworakeun
  palingge di sadiakeun
  siksa nupikapaureun
   
• sabab Qur'an teh amanat
  ti Alloh nu sifat rohmat
  ku urang wajib di hurmat
  teu ngahormat teh di la'nat
   
• Qur'an pidauh ti Alloh
  turuna ka rosululloh
  kaputra sayid abdulloh
  muhammadurosululloh
   
• Qur'an pituduh ti gusti
  Alloh anu gaduh pasti
  mangkade kudu taliti
  pek eusikeun dina ati
   
• sabab Qur'an teh fadoman
  pikeun jalma anu iman
  umat nabi ahir jaman
  nungagugu pasti aman
   
• tafakuran dina ayat
  didinya seueur riwayat
  tuduh bener tong ma'syiat
  pibekeleun ka aherat
   
• ulah di anggap lumayan
  Qur'an ngan jadi hiasan
  diajar jeung babaturan
  mun hayng meunang ganjaran
   
• nungaku agama islam
  hayu diajar sing faham
  paksakeun najan hoream
  sugan di pasihan ilham
   
• lamun teu daek di ajar
  eta jalama pasti sasar
  moal apal tho'at sobar
  bakal kaduhung di mahsar
   
• ari mahsar pang balikan
  urang bakal ngarandapan
  disebat alam hisaban
  dipariksa pagawean
   
• pikeun anu boga dosa
  tara solat jeung puasa
  kaduhung bari nalangsa
  kusabab sieun di siksa
   
• bari ngarasa kaduhung
  henteu nyembah kanu agung
  bongan keur hirup adigung
  titah ibadahteh embung
   
• hayng kabur moal bisa
  disaksi kunu kawasa
  disiksa ku sabab dosa
  sakabeh badan karasa
   
• najan nyeri gegerungan
  moal aya nunulungan
  kusabab etmah bongan
  teu nurut kanu kagungan
   
• teuboga diri simkuring
  nungatur beurang jeung peuting
  dunya sakuriling bungking
  nugaduhna Alloh ana king
  
  ( wallohu'alam )