Nadhom iqomah rukun islam

Lailahaillalloh...
Lailahaillalloh...
Lailahaillalloh...
Muhammadurrosululloh...

 

puji kagungan alloh
rohmat salam ka rosululloh
sohabat tur kulawargi
pejuang agama alloh

isla agama nu bener
sejah tera luas tur damai
rukun lima nu utama
amalkeun masing sampurna

syahadat teh pondasina
sholat teh jadi tihangna
zakat dingding shaum kusenna
haji nujadi kentengna

rukun islam teh pahamkeum
amaliahna gerakeun
panggerakna ge dijieun
agungna islam buktikeun

syahad kudu ngabukur
ma'rifat , mahabbah, syukur
jihad berjuang cing akur
hate ikhlas ulah kabur

syahadat teh di kuatan
tholab elmu, maca qur'an
loba dzikir kapangeran
ngalawan nafsu jeung syetan

sholat ge kudu ngabuah
munajat sinareng qurbah
ta'awun sareng imamah
kahirupan sing barokah

sholat kudu diperkuat
awal waktu berjamaat
makmur masjid khusyu khidmat
sing lengkeup pardhu jeung sunat

qobliyah ba'diyah ketat
tahajud,tasbeh jeung hajat
dhuha jeung sunat sejena
usahakeun sing sampurna

zakat sing puguh buktina
tanmiyah jeung barokahna
ta'awun taqoddum,izzah
islam teh nyata hebatna

zakat nyata perjuangan
mun nisab geura zakatan
can nisab ge lalanyahan
dua satengah persenan

ti leuleutik biasakeun
sawarehna harta bikeun
bentuk amilin nu leukeun
sifat amanah tegakeun

shaum oge kudu nyata
sobar, tahamul, qurbah na
barokah sarta wusulna
islam teh nyata tangguhna

shaum romadhon matepkeun
tadarus qiyam lengkepkeun
zakat fitri laksanakeun
silaturahmi kuatkeun

shaum wajib sing sampurna
sunnat jeung senen kemisna
'arafah daud jeung liyana
shaum kasucian nana

haji kudu bukti mabrur
iman ibadahna luhur
bisa ngageurakeun batur
umat akur islam luhur

(di anggit ku kersana kasepuhan KH. zezen ZA bazul asyihab. pondok pesantren azzainiyyah)