Yaa robbi bil-Mustofa

Yaa robbi bil-Mustofa
balligh maqooshidanaa
Waghfirlanaa maamadho
yaa waasi'al karomi

nun gusti pangeran abdi
ku ka agungan kang jeung nabi
mugi gusti ngajadikeun
sugri anu disuhunkeun

sareng mugi ngahampura
gusti ka abdi sadaya
tina lampah anu salah
eh allah nu maha murah

ma sya allah matak kelar
di akherat kabeh gelar
tina pakuburan mencar
karumpul di alam mahsyar

ari ngaran mahsyar eta
palataran anu rata
panasna waktu harita
panon poe tujuh nyata

teu jauh tujuhanana
pirasatar antarana

ngarojol kabehanana
ka jalma goreng amalna

eling2 dulur kabeh
ibadah ulah sampoleh
beurang peuting ulah weuleh
bisina kaburu paeh

sabab urang bakal mati
nyawa dipundut ku gusti
mangka kudu ati2
kaibadah sing gumati

karasana keur sakarat
nyeurina kaliwat liwat
ka ibadah sok ngaliwat
tara ngalampahkeun solat

sanajan teu boga sarung
solat mah teu meunang embung
teu meunang sumput salindung
kana dawuhan yang agung

cing eling

rosululloh SAW.parantos ngadauh: kudu ngagunakeun maneh kana lima perkara samemeh datng lima perkara.
1.kangoraan anjeun samemeh datng ka kolotan anjeun.
2.kasehatan anjeun samemeh gring anjeun.
3.waktu kakosongan samemeh datng waktu kariweuhan.
4.meungpeung beunghar memeh faqir.
5.meungpeung hirup memeh maot.
(rowi al baihaki an ibnu umar)

nadhomna

anjeun kudu ngagunakeun     =     ulah reseup di anggurkeun
memeh lima kaalaman           =     kuduri anjeun sorangan

hiji waktu ka ngoraan            =     pake kana kahadean
dipake to'at ka Alloh             =     ulah ma'syiat ka Alloh

meungpeung2 keur ngorana   =     ibadah bisa sampurna
beda jeung enggeus kolotna   =     ibadah henteu sampurna

pangna henteu sampurnana    =     awak loba karasana
dina sagala rupana                 =     kakuatan geus ngurangan

kaduana pek gunakeun          =     waktu cageur diri anjeun
pake kana kahadean             =      memeh datng panyakitan

keur cageur bisa sampurna     =     dina amal ibadahna
tapi dina keur gringna             =     kuma bisana sampurna

katiluna pek gunakeun            =     waktu nu kosng gunakeun
pake kana kaalusan                =     dunya jeung kaaheratan

memeh datng kariweuhan        =     keur riweuhmah hese pisan
sabab loba pagawean             =     nu sejena katinggalan

ka opatna pek gunakeun         =     dina waktu kasugihan
sugih harta ka bendaan           =      pek gunakeun manfa'atkeun

harta banda nu lobana            =      leuwih tina kabutuhan
zariahkeun sawarehna            =      kapentinga agmana

diskah kajalma faqirna           =       ka miskin ngurus yatimna
ageung atawa alitna                =      bari sing ikhlas atina

memeh datang ka faqiran       =       geus faqirmah kafayahan
rek sidkah teu aya bahan       =       zaeiah ngan caritaan

ngan hate bati hayngna           =       hayang amal sodakohna
zaeiah taya buktina                 =      taya ka manfuhan nana

kalimana fek gunakeun           =      dina waktu hirup anjeun
memeh datang maot anjeun    =      ku amal sae seueurkeun

namung sakieu rupina             =      nerangkeun ma'na hadisna
mugi ageung manfaatna          =       bisa ngamalkeun eusina

amiiiiin istajib ya Alloh,,,,!!!

kanggo istri nu parantos laki robbi

sa ba'dana nyebat jeunengan pangeran

                        iyeu nadhom pamundutna ba'dul ikhwan
madhom sunda ajieun istri mubtadi
                        nu di angkit dauhan nabiyul huda
bisa kuring nedunan bahdul ihwani
                        kupitulung Alloh nu sipat rohmanai
iyeu kitab meurtelakun tatak rama
                        mungguh istri ka caroge nu utama
turuh dauh rosululloh anu agung
                       ngadauhna kaputrana anu luhung
nu jeuneungan patimah putrana rosul
                       poma bae dauh ama kudu qobul
kudu bisa nyai ngabakti ka Alloh
                       jeung karosul jeung kacaroge sumeurah
kudu turut kana sakabeh nu wajib
                        nyaur deui rosululloh matak wajib
papajuan nyai ulah nyulayaan
                       hey patimah paningakah reujeung ucapan
kacaroge ulah reknyieun doraka
                       ngabaeudan nyieun pilara jeung nyangka
nyangka goreng kasalaki matak nyeuri
                       hey fatimah awewe kituteh ciri
cirina awewe heunteu bogana iman
                        reujeung ciri kana awewe ihmalan
harti ihmal amalna teu di tarima
                        sholat jakat ku Alloh teu di tarima
cirina awewe nubakal cilaka
                        ba'da maot tangtu asup kana raka
sareng ngadauhan deui rosululloh
                         hey fatimah poma hideup ulah nyeugah
ciri awewe nu meunang kamulyaan
                         ba'da maot ku pangeran di rahmatan
jeung bakti ka pangeran numaha agung
                         rejeung tantu meunang ganjaran nu unggul
tambah deui dauhan siti aisah
                         istri janji nyarios anu teu genah
sabab istri angkatna hentu unjukan
                         tangtu istri di guyur bageut siksaan
di ukurkeun jeung siksa jalma ngarampog
                         mungkar nangkir duanana ge nga gebug
lamu lalaki nyium ngemot ka bojona
                         malah lamun di sarengan sajomba nana
rejeung ngadauhna rosul mustofa
                        saha saha lalaki anu ngaramfa
kabojona eta teuteup dua nana
                        dua puluh kahadean anu utama
jeung tuluy lalaki nangkodkeun dada
                         sami pada ngadu dada
eta tetep opat puluh kahadean
                         opat puluh kahadean teh reujeungan
terus adus pamegeut istri jinabat
                         saban keclak dijadikeun malaikat
malaikat maca tasbeh jeung istighfar
                         henteu pegatpegat macana istighfar
mang tobatkeun maksudnateh malaikat
                         pikeun dua jalma nepikeun kiamat
tambah deui zisim abdi rek miwulang
                         kasadaya istri istri nu lalenjang
sumawona mun istri ngajurung nyandung
                         eta istri leuwih mulya leuwih agung
di dunyana sumawon di aheratna
                          sabab tambah luhur nujadi ratuna
nombeur hiji tumut ka garwana rosul
                          nombeur dua meunang ganjaran nu unggul
sumawona layeut jadi saaleutan
                          reujeung maru teu aya panyarewedan
masya Alloh istri kitu enggeus tangtu
                          di aherat agung reujeung jadi ratu
iyeu kitab di tulisna parantosan
                          adab mar'at sakieuoge atos ceukap
mung Alloh nu uninga kana leureusna
                          muga bae ngamaaf dina lepatna
                      
                          (wallohu'alam)
                          



                         
                        
                        

tingkatan iman

ari tingkatan iman aya 6 tingkatan: (1)iman taklid (2)iman ilmu (3)ilmuyakin (4)iman hakul yakin (5)iman ainul yakin (6)iman hakikatul hakikat

1.ari anu di sebut iman taklid teh,nyaeta iman anu nuturkeun ka batur kalawan teu make dalil.

2.ari anu di sebut iman ilmu nyaeta iman kalawan make dalil/nyaho kana dalil

3.iman ilmu yakin nyaeta iman ka Alloh bari ngarasa di teuteupkeun ku Alloh.

4.anu di sebut iman hakul yakin nyaeta,iman ka Alloh neupi ka upama ningali mahluk,panon ati ingeut kanu ngadambeulna,tapi masih inget ka makhlukna.

5.anu di sebut iman'ainul yakin nyaeta,satiap tiap panon ninggal makhluk,manahna ingeut kanu ngadambeulna(Alloh) nepi ka teu inget ka makhluk.

6.anu di sebut iman hakikatul hakikat nyaeta imn ka Alloh(imana para nabi anu teu bisa ka ukur ku urang)

NADHOMNA TINGKATAN IMAN

iman teh geneup tingkatan

iman taklid kahijina

iman ilmu kaduana

ilmu yakin katiluna

hakul yakin ka opatna

ainal yakin kalimana

hakikatul hakikatna

eta anu ka geneupna

kahiji iman taklidna

nyaeta iman nurutna

kajalma anu sejena

iman henteu jeung dalilna

iman elmu kaduana

iman kalawan dalilna

pecaya Alloh ayana

lanataran aya dambeulna

ilmu yakin katiluna

yen Alloh pangeran nana

sarta rasa di teuteupna

Alloh anu ningalina

hakul yakin ka opatna

jatining yakin imana

panon ningali mahlukna

ka Alloh ingeut atina

bari inget ka mahlukna

henteu pegat jeung mahlukna

hubungan jeung manusana

teu aya gangguan nana

ainul yakin kalimana

iman ka Alloh sampurna

panon ningali mahlukna

ka Alloh inget atina

terus poho kamahlukna

pegat jeung pada mahlukna

geus taya hubungan nana

sabab kahalangan nana

rasa duaan jeung Alloh

mahluk ngileus teu ka rewah

ingetan wungkul ka Alloh

teu robah ku ewah ewah

hakikatul hakikatna

iman anu ka geneupna

imana para anbiya

teu nyahoeun balarea.

(wallohu'alam)